Paris

講左好耐去巴黎，上個星期，終於去左。

這次旅程，首要多謝 Virginia 小姐今次盡心盡去準備今次活動。她不單只借出貴宅寬敞的梳化，更預先張雪櫃填得滿滿，什為感謝。

今日出發之前有少少意外，導致我錯過了第一活動，就是到一些小餐廳吃晚飯。幸好，也不是太晚抵達巴黎，到達之後，稍作休息，便到外租用了 Vilib 單車，夜遊法國。

Vilib 單車，是巴黎在四月引入的點對點單車設施，每天只要附出一 Euro，就可以於巴黎各地區的 Vilib 單車站租用 Vilib 單車廿四小時，從閣下附近的 Vilib 單車站租用一 Vilib 單車，再於目的地附近的 Vilib 單車站還取，極之方便。

其實中間經過唔少地方，如果唔係因為遲左到巴黎，我地應該可以踏單車去到河邊，不過家下去唔到... 雖然只係踏左一陣，但係呢個活動真係好正，夜晚係巴黎踏單車既感覺真係好正好舒服。

由 於經過一晚的黑夜單車環節，朝早各人皆累，出發時間由本來的十時半推到十一時半。吃過大家樂式早餐以後（作為一個大家樂 Fans 以及股東既我，其實我覺得唔係好似，不過是但啦），就出發 lu。（呢到又多謝 Virginia 小姐提供既出錢一丁，雞蛋呀，腸仔呀等...

第 一站係 Notre Dame（唔知有無串錯），係一個唔幾在幾時係既大教堂，入到去，好在，好宏偉，係我去過既教堂之中最大既一個。雖然入多，都亳不減少莊嚴的感覺。入邊點 起左好多蠟燭，跟住就叫入可以損錢，咁就會造福人群，我就覺得呢個情況有點似係 D 廟到叫入添香油咁。

之後，我係法國飲左我既第一杯咖啡。唔係特好飲，不過個麵包就幾好食。

飲完咖啡，就去左羅浮宮，凱旋門等。都係個 d standard 但係又 expect 左去既地方。影左好多相（其實我自己唔係影左好多）。飲恨既係唔夠時間入去呢個羅浮宮同埋其它博物館，作為一個有文化藝術修養既我入唔到去，不過萛啦。
中間又睇左 d 立立什什既野，但係行程都可以用到具極之充實尼形容。呢到又再次多謝尊貴既 Virginia 小姐計劃今次既行程，Florence 不斷講解沿途既旅遊景點。

跟 住時間仲好早，我地就行左個條唔知乜野既大街（法文同埋中文名都唔記得），好遠咁睇見到 LV 總店不過見唔到傳聞中既人龍，有 D 失望。不過其實家下香港既 LV 同埋 Gucci 都有人龍... 之後食左個法國 pancake，個個餅係由一個好生手既師傅仔做，做得慢之餘仲要成日失手，不過都無所謂啦。但係個餅就令我諗返當年係印度食既餅...

到 在旁晚，我地一齊去左 Arnaud 既屋企一陣，坐低飲左 D 野，跟住另外一個舊同事就尼左，Kenji，日本人。Arnaud 我未見過，但係原來個陣我同佢做過野同埋講過電話。Kenji 就係一次去 KL training 個時識佢。跟住我又諗返起，D 人成日話日本人英文唔好，但係我就覺得佢好好 wo... 此外，Kenji 既老婆同埋佢個女 (都係女) 尼埋，聽講佢老婆識跳日本舞，佢個女又好得意... 不過 Kenji 太太就唔係太鐘意講英文，我就唯有同我僅有既日文同佢個女傾計，成功令佢同我打左個招呼。

過左一陣（其實都係三個鐘），我地去左 Arnaud 屋企附近一個小餐廳到食晚飯，我叫左一個 Arnaud suggested 既鴨胸，好好食呀！原來 D 人話法國野好食唔係流架，仲要好平。比起我係 Sweden 食個 D 野真係好好多...
我特然覺得我好似好耐都未食過好野咁.... 唉。

食完飯，就去左 Affel Tower，岩先趕得到睇佢閃。幾靚 wo，如果可以同表妹一齊再尼就好好啦。
不過唔知幾時有幾會 Lu。

呢一日就咁就完左，就係呢一日，另到我閃起左想買一部 D80 既念頭... 因為反正都係影，影張靚 D 會好 D，但係要買一大一細 Law... 睇下點啦。

經 過行程緊密既星期六，去到左星期日大家已經唔可以再好似星期六咁九點幾起身。不過都好好，朝早上左個山仔（係咪叫蒙馬特？我都係諗返楊千嬅首歌先記得我去 左邊）。一個好游閒既午餐。本來想買幅畫，不過好貴，無買到。跟住到四五點就去左個 Cafe 坐一陣，就返 Stockholm Lu。

總括尼講，巴黎比想像中靚，唔係好似 London 咁，又唔覺好似 D 瑞典人咁講到咁差（佢地對所有法國既野都好似好... 咁）成條街都係游客，可以遲下再去一次。

到最後，都係感謝 Virigina 小姐提供呢個場地同埋 Sponsor 膳食，亦都對佢既法文好 Impress。仲有多謝 Florence 既講解服務。